منتديات بني ورثيلان التعليمية


في منتديــات بني ورثيـــلان التعليميــــة.

عزيزي الزائر / عزيزتي الزائرة يرجي التكرم بالدخول إذا كنت عضوا معنا
أو التسجيل إن كنتَ زائرا و ترغب في الانضمام إلى أسرتنا
سنتشرف كثيرًا بتسجيلك . شكرًا
الإدارة



أمثال تونسية منوعة

استعرض الموضوع السابق استعرض الموضوع التالي اذهب الى الأسفل

مهم أمثال تونسية منوعة

مُساهمة من طرف طارق في الأربعاء 06 أبريل 2011, 00:32

امثال تونسية منوعة

"انهم يد وحدة ما تصفقش" اي يد واحدة ما تقدرش تصفق لازمها يد ثانية حتى تتكامل معاها, اي ما معناه في الاتحاد قوة

"خانها ذراعها قالت مسحورة "
سحروها, كناية عن الشخص الي تخونو قدراته فيبدا يبحث عن اسباب و تفاسير يعلق عليها فشله
.كان الكذب ينجي الصدق انجى ونجى" يعني ممكن انك تنجو مرة من مأزق بفضل كذبة, لكن بالصدق تنجو دائما.

"الي يحب اللّو يسهر الليل بكله" = من طلب العلى سهر اليالي

"تعدى على واد هرهار و ما تتعداش على واد ساكت" اي ان تمر من على واد دائم التحرك و الهيجان احسن من ان تمر على واد ساكن لأنه ممكن يخفي مفاجآت, كناية لى ان الشخص الدائم السكوت و الغامض و الي يمكن نظن انه مسالم ممكن يخفي مفاجأت و يكون اعنف و اشر من شخص دائم الكلام

"بعد ما شاب هزوه الكتاب" يعني بعد ما اصبح مسن ادخلوه للكتاب للدراسة, نقولو لما يصير الشيء بعد ما فات الأوان;

"حمل الجماعة ريش" اي ان الشيء الصعب او الحمل الثقيل يصبح سهلا و حملا خيفا ذا تعاون الجميع عليه

"اطعم الفم تستحى العين"
"هرب من قطرة جا تحت الميزاب" اي هرب من مأزق صغير ليقع في مزق كبير

"كي الملح ما يغيب على طعام" الشخص الي تجده ندو رأي في كل المواضيع و حار في كل المناسبات

"كلام الليل مدهون بالزبدة,يطلع عليه النهار يذوب" يقال لمن يقول كلام و يوعد بوعود و في الآخر لا ينفذ شيء
" كان الكلام من فضة راو السكات ذهب" دليل على قيمة الصمت و قلت الكلام في عدة مواقف
"القرد في عين امو غزال"
"الي يعمل الخير ما يشاورش" يعني لما حد يريد ان يساعد حد ثاني ما يستأذنوش
"كسكسلو يرجع لاصلو "
"ما يقعد في الواد كان حجره" اي لا يصح الا الصحيح
"جا يعاون فيه على قبر بوه هربلو بالفاس" لما تعتمد على حد ليساعدك فيزيد عليك
"الّي يبيعك بالفول بيعو بالقشور"

" شد مشومك لا يجيك ما اشوم"
"الي ليك لك و الي خاطيك خاطيك"
"المال يخلف لهبال"
" في حياتو اشتهى عنبة وقتلي مات علقولو عنقود"
"بات ليلة مع الجران صبح يقرقر" (من عاشر قوما صار منهم)
"العزوزا هاززها الواد و تقول العام صابا "

العزوزا = امرأه كبيره فالسن ...عجوزه
هاززها = رفعها
الواد = تيار من مياه المطر
العام صابا = سنة خير نضرا لهطول الامطار
تفسير حرفي : امطار غزيره تساقطت...فتكون تيار ماء قوي حمل امرأه كبيره فالسن " عجوزه" و هي فرحانه بالغيث الي راح يروي محصولها...يعني فرحانا بالمطر و المطر باش تغرقها

و المغزي منو : يحدث للانسان ان يصيرلو شيء يضنو خير و يفرح بيه بينما هو شر كبير ليه
لشكون تحرقص يا مرت لعمى ؟ مرت = زوجة

لشكون تغني يا مرت لطرش

ما توصي يتيم على نواح

"جات لحزينه تفرح ما لقات فالمحضر مطرح " محضر = حفلة زواج

الضيف ضيف لوكان يقعد شتى و صيف
عياط و شهود على ذبيحة قنفود

يسال عالبسباس و من كانلو غراس (شخص يسال على ادق التفاصيل)
شوية مالحنة شوية من رطابة ليدين
اصرف يا تاعس عالراقد الناعس
جا يكحلها عماها و جا يقول صحة قال صداف
اعمل كيف جارك والا بدل باب دارك
في هاك السردوك نريشو (يعني اننا نحكيو في هاك الموضوع)
الجمل مايراش حدبته
معيز و طارو
شكون شكار العروسة
العز بعد الوالدين حرام (امي ديما تقولهالي)
حضر الحصيرة قبل الجامع
اللي فيه طبة عمرها ماتتخبى( يعني اللي فيه عيب لازم يظهر)
صام صام وفطر على بصلة
جا كاري ولا ملاك
دار بونا وعاركونا
النفخة والمبات في السبخة (يعني الغرور على حتى شي)
الزلقة بفلقة
اذا لقيت الزهو والطرب لا تبدلو لا بشقا لا بتعب
العظمة ماتقول طق كان كي فيها شق
ياكل الغلة و يسب الملة
اعمل الخير وانساه
حمل الجماعة ريش
مادواء الفم الابخر كان السواك الحار
كثر الهم يضحك
اللي جابته ساقيه العصا ليه
عزوزة شدت سارق
الكذاب زيد شوية واساله (لان الكذاب يغير كلامه)

مابعد مكة على بو بهيم
كان الكذب ينجي الصدق انجى ونجى
فليس مع فليس يولي كديس
التالي زهره عالي (التالي= الاخير)
جات منك يا ميضة (الميضة= مكان الوضوء و تقال لشخص يتسبب باش مايعملش حاجة)
اللي عطاك حبل قرطو بيه
استنى يا دجاجة حتى يجيك القمح من باجة
الفولة ملتتبلش في فمو

الشيب و العيب
في المال ولا في الابدان
في الوجه مراية و في القفا فلاية
ولد الفار يطلع حفار
اللي شد صبع من اليد شد اليد كلها
مهبولة و زغرتولها في وذنها
اعمل فيها مهبول تعيش

اللي خبا غداه لعشاه صابه
كل شاه معلقة من كراعها
يشعل النار و يقول الدخان منين
اللي ربي رايد له بالشفا يلاقيه الطبيب في الثنية
خاصص المشنوق كان ماكلة الحلوى
ضحكولو تمد على طوله
الاولة عسل الثانية سمن و الثالثة زفت و قطران
ملي دفنوه مازاروه
البقرة كي تطيح تكثر سكاكينها
يعيش و يربي الريش
اللي خاف نجا
وقفت الزنقة بالهارب
تبديل السروج فيه راحه
اللي يبدل لحية بلحية يشتاقهم لثنين
واحد يحلب و واحد يشد لقرون
المستعجل يبطى
كلامك مع اللي مايفهمكش ينقص فالعمر
جاب الصيد من وذنه

يبيع القرد و يضحك على شاريه
كالذبانة مايقتلش اما اتدره الخواطر
اش يا ذبانة مافمة في الدنيا كان انا (تقال على الغرور)
الماء اللي ماشي للسدرة الكرمة اولى بيه
يوريك القارص في مارس
مطر مارس ذهب خالص
كالمنشار طالع واكل هابط واكل
الطول عنقودة و العقل عجرودة
عالحس يقسمو الباي
قلو يقوي سعدك قلو توة توة
جاي من تالي و يعيط يا مالي
اللي موش مستانس بالبخور يحرق حوايجو
الغيرة تذهب الشيرة
لا طاح و لا دزوه
فردة ولقات اختها
اللي يكثر مالعسل يمصاط
يا مزينمن برا شحوالك من داخل

سَبّقْ الخِير تَلْقى الخِير
*يقال في التفاؤل خيرا بما قد يحدث

خْبِير المُومِن قًلبو

أًعمِلْ الخير وإنساه..

مَا يْـلِزْ لِلْمُر كان إِلِّي أَمَر مِنُّو
يْلِزْ = يدفع / ما يدفع للمرّ إلاّ ما هو امرّ منه

هوَ يْغَنّي وجْنَاحُو يْـرُدْ عَـلِيهْ...
* تقال لمن لا يُسمع له كلام

كان صَاحْبْـك عْسَل ما تَلّحْسُوشْ الكُل
* تقال لمن يستغلّ صديقه / المبالغة في استغلال الأصدقاء

ما يْحِس الجَمرة كان الِّي يعْفَسْ عليها..
*الألم لا يشعر به إلا صاحبه الذي يعيشه

كي سلُّومْ النصارى.. الطولْ والخسارة..
(في زمن الإستعمار كانت كلمة النصارى وكذلك الروامة (الروم) تطلق على الفرنسيين والأروبيين عموما..
*ويعني المثل : الشيء الفاقد للجدوى مع أهمية شكله

كان الكذب ينجّي .. الصدق أنجى وأنجى

كي الزير المتّكّي... لا يضحّك ولا يبكّي...
*يعني هذا المثل الفاقد للجدوى (مثل الزِّير وهو القلّة الكبيرة المستعملة للتخزين، المتّكّإ... لا يُضحِطك ولا يُبْكي
الي يستنى خير من الي يتمنى

طارق
عضو نشيط
عضو نشيط

الجـــنـــس : ذكر
تاريخ التسجيل : 24/03/2010
العـــــمـــــر : 31
عـــدد المساهمـــات : 132
الـمــــــــــــزاج : فوووور

الرجوع الى أعلى الصفحة اذهب الى الأسفل

مهم رد: أمثال تونسية منوعة

مُساهمة من طرف أبو إلياس في السبت 09 أبريل 2011, 01:35

لا تكاد تختلف غن الأمثال الجزائرية يا أخي طارق
[ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
---------

أبو إلياس
المديــــر العــــام
المديــــر العــــام

الجـــنـــس : ذكر
تاريخ التسجيل : 25/06/2009
العـــــمـــــر : 48
عـــدد المساهمـــات : 3913
الـمــــــــــــزاج : منفعل

http://morchid.naturalforum.net

الرجوع الى أعلى الصفحة اذهب الى الأسفل

مهم رد: أمثال تونسية منوعة

مُساهمة من طرف aissa.b في السبت 09 أبريل 2011, 10:58

أشكرك :arrow:

aissa.b
عضو برونزي
عضو برونزي

الجـــنـــس : ذكر
تاريخ التسجيل : 19/11/2010
العـــــمـــــر : 21
عـــدد المساهمـــات : 885
الـمــــــــــــزاج : هادىء

الرجوع الى أعلى الصفحة اذهب الى الأسفل

مهم رد: أمثال تونسية منوعة

مُساهمة من طرف zakaria في الخميس 05 مايو 2011, 20:44

مرحبا باخواننا التونسيين
jazak

zakaria
عضو مشارك
عضو مشارك

الجـــنـــس : ذكر
تاريخ التسجيل : 04/04/2011
العـــــمـــــر : 24
عـــدد المساهمـــات : 57
الـمــــــــــــزاج : sévère

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
أوقات الصلاة للجزائر العاصمة وضواحيها
اختر لغة المنتدى من هنا
----------------------------------------------------------------------------